Barack Obama

Uut Wikipedia, de vrye encyklopedy
Barack Obama

Barack Hussein Obama II (Honolulu, Hawaii, 4 augustus 1961) was n 44sten en eerstn Zwartn presideant van Amerika. Tusken 3 januwoari 2005 en 16 november 2008 was hee lid van t Amerikaanse Senoat as ofveardiging van de stoat Illinois. Doarvuur was hee stoatssenator in de wetgeewnde vergaderige van denzelfdn stoat. Op 20 januwoari 2009 wör hee offisjeel an enömn as presideant. Töt 2017 hef hee presideant ewest (met twee ambtstermienen), woarnoa hum Donald Trump opvolgde.

Leawnsloop[bewark | bronkode bewarken]

Jeugd[bewark | bronkode bewarken]

Obama's vaar, Barack Obama Senior, was nen Luo oet Kenia. Zien moo, Anne Dunham, köm oet de stoat Kansas. Disse beaide gungn oet mekoar in 1964 toen as Barack junior twee joar oold was. Zin moo hertrouwdn met nen Indonesiër den as in Hawaii studeerdn. In 1967 verhuusdn t gezin noar Jakarta. Hee gung dr noar ne Roomske skole, mear steund in eskreewn as Moslim.

Toew at'e tiene was, gung hee wierumme noar Hawaii, en bie zinne grootooldn van zin moders kaante wonn. Töt 1979 gung hee hier noar de middelboare skole.

Noa de middelboare skole verhuusdn hee noar Los Angeles, woer as hee twee joar an t Occidental College studeerdn. Noa twee joar gung hee noar Niej-York, woer as hee verdan studeerdn an de Columbia Universiteit. Hee studeerdn of in 1983 op politikologie en Boetnlaandse Betrekkingn. Noa zinne studie deed hee oonderzeukn bie de New York Public Interest Group. In 1985 verhuusdn hee noar Chicago woer as hee projektn deed in oarmere buurtn.

In 1988 leut hee zik deupn in de United Church of Christ en gung hee hen rechtn studeerdn an de Harvard Universiteit. Hee haaldn t niejs toew as hee as eerstn zwartn ekeuzn wör as presideant van de Harvard Law Review. Zienen vicepresident was Joe Biden. Hee studeerdn in 1991 of met lof, woernoa as hee wierumme köm noar Chicago en as advokoat gung woarkn. Hee hef tusken 1993 en 2004 les egeewn an de universiteit van Chicago, terwiel as hee oonderwiel ook nog zelf advokoat was van 1992 töt 2002.

In 1989 leardn hee Michelle Robinson kenn, woermet as hee trouwdn in 1992. Ze kreegn twee dochters: Malia Ann (1998) en Natasha "Sasha" (2001).

Oetgoande verbeending[bewark | bronkode bewarken]