Bakkevene

Oet Wikipedie, de vraaie enzyklopedie
Gao naor: navigasie, zeuk
Ligging van Bakkevene

Bakkevene (Nederlaans: Bakkeveen, Fries: Bakkefean) is een dörp in de gemiente Opsterlaand in de Nederlaanse perveensie Frieslaand. Bakkevene leit kotbi'j Drachten, en had in 2008 zoe'n 1961 inwoners. Bakkevene is een typisch forensendörp en vule inwoners bin veur et wark richt op plakken as Drachten, Liwwadden, Et Vene en (wat minder) op Grunningen en Assen.

Et dörp wodde veur et eerst nuumd as de plak waor in 1231 de Friezen en Drenten een veldslag uutvochten. Tiedens de Tachtigjaorige Oorlog wodde et dörp deur de Spanjaarden verwoest. Et hudige Bakkevene is ontstaon tiedens de veenontginning in 1660.

Netuur[bewark | bronkode bewarken]

Heide bi'j Bakkevene

Bakkevene leit middenin een bosriek gebied mit heide- en zaandvlakten dat op de greens leit mit Grunningen en Drenthe. D'r wodt wel zegd dat Bakkevene et ienigste brinkdörp in Frieslaand is, hoewel et niet dudelijk is of disse brink dezelde oorsprong het as die van dörpen in Drenthe. Bakkevene leit in et oostelijke stroomgebied van et reviertien Keuningsdiep dat in et noordoosten van Bakkevene ontspringt. Et beekdal van et Keuningsdiep wodt opni'j inricht waorbi'j de beek zien oorspronkelike kronkelende loop weerommekrigt.

Daornaost hej' in de omkrieten de Bakkeveense Dunen, een heide- en bosgebied dat niet antast is deur de veenontginning in de 19e ieuw, en dat een veurbield is van hoe hiel Zuudoost-Frieslaand d'r twie ieuwen leden uutzag. D'r bin drie orgenisaosies die de gebieden rondomme Bakkevene beheren: Netuurmonementen, Staaosbosbeheer en It Fryske Gea. Een schaopskudde weidt de heide van Bakkevene, vanuut een schaopskooi op de angreenzende heide van Allardsoog. Daornaost lopen d'r Exmoorpony's en Schotse hooglaanders vri'j in et heidegebied rond.

Bi'j Bakkevene staot an de raand van de bossen et historische laandhuus Slotplaats. Et is in gebruuk as theehuus en as startpunt veur uutstappies van Netuurmonementen. Achter de Slotplaats staot et oolde koetshuus dat nao een opknapbeurte in gebruuk neumen is as VVV-kantoor. Slotplaats en de tunen en boomgaorden rondomme et laandhuus binnen in 2006 opknapt.

In et Slotplaatsbos leit de Sterrenschans, een zeshoekig verdedigingswark. De schans leit langes de ieuwenoolde Beakendyk; in vroggere tieden ien van de weinige hoger legen deurgangen op de moerassige route van de Friese steden naor Drenthe. De Sterrenschans is deur Netuurmonementen in 2002 opknapt.

Exekuties in Allardsoog, 1945[bewark | bronkode bewarken]

Tegere mit negen aanderen wodde keunstener Hendrik Werkman in 1945 in Bakkevene, kotbi'j Allardsoog, doodscheuten deur een Duuts vuurpeleton, drie daegen veur de bevri'jding van Noord-Nederlaand. De reden veur zien arrestaosie en exekutie is nooit hielendal dudelik wodden. Hi'j leit begreven op et begreefplak van Bakkevene. Kotbi'j et dörp, in Allardsoog, staot een monement ter naogedaachtenis an de tien die doodscheuten weren.

Rekreasie vervoer en sport[bewark | bronkode bewarken]

Bakkevene leit in een rekreasiegebied mit attraktie- en vekaansieparken. D'r is een eupenlochtzwembad en et grootste doolhofpark van Noord-Nederlaand. Ok is d'r een speciaol bospad veur rolstoelgebrukers. Dit pad is omdebi'j de 1,5 kilemeter laank en begint en aendigt bi'j de uutkiektoren kotbi'j et zwembad Dundelle.

D'r bin riegelmaotig busverbiendings mit Drachten, Et Vene en Assen.

Bakkevene het een plaetselike voetbalklub VV Bakkeveen. Et eerste elftal komt in et seizoen 2010-2011 uut in de dadde klasse zundagammeteurs. Bi'j de Sterrenschans leit een grote, ondiepe venne. Aj' winters kunnen scheuvelen dan wodt de plas as een netuurlijke iesbaene bruukt.

Uutgaonde verwiezing[bewark | bronkode bewarken]