Ayapa Zoque
.svg)
Ayapa Zoque (Ayapaneco) of Tabasco Zoque is ne sproake oet Mexiko. t Heurt bie de inheemse Zoquesproakn en wördt proat in t doarp Ayapa in de stoat Tabasco. Sprekkers neumt t zelf Nuumte Oote, wat zik löt oawerzetn as Woare stemme. Töt t middeln van t 20e joarhoonderd was t ne kleaine, mer leawndige sproake, tötdet de Mexikaanse regearing Spaans verplichtn op de skooln en t sprekn van inheemse sproakn verbeud. Sprekkers treukn vort en leutn öare sproake achter.
Sprekkers rechtevoort[bewark | bronkode bewarken]
In 2011 zoln dr nog twee leu oawer wean dee't Ayapaneco vlöaindig sprekn könn: Manuel Segovia (geboorn ong. 1936) en Isidro Velasquez (1942). De kearls zoln skoonwal nit met mekoar könn en weaigern met mekoar te kuiern. Dit bleek een pröätke te wean; der zeent anno 2017 nog een stuk of viefteen euldere sprekkers evönn.
n Sproaknkeundigen Daniel Suslak, Assistent-Professor Volkerkeunde an de Amerikaanse Universiteat van Indiana, is gaanks um n wöardebook saamn te steln.