Augustus Pablo
Horace Swaby (21 juni 1954 - 18 mei 1999), better bekeand as Augustus Pablo, was nen Jamaikaansen reggae-artiest en pianospöller. Hee begun as pianist in de joarn '70 van t 20ste joarhoonderd. Hee was woarskienlik n eerstn den as ne melodika as n echt en belangriek instrumeant gebreuk in zinne muziek. Hee steund ook bekeand um zin anhangerskop van t rastafarianisme.
Leawn en woark[bewark | bronkode bewarken]
Swaby wör geboorn in St. Andrew, Jamaika in 1954 en leardn t örgel te bespöln in Kingston College School. Doarduur wör he later vake vroagn um in de opnamestudioos de örgelpartiejn in te spöln. Op n gegeewn memeant leendn um n meakn ne melodika. Hee wör zo wies met t deenk det he nooit wier zoonder op pad gung. Hee wör ook kunnig met Herman Chin Loy, den as eerst bie zinne neawe Leslie Kong in den zin plaatnzaak beverly's woarken, mear later zin eegne zaak Aquarius begun in Half Way Tree. Tusken 1971 en 1973 nöm Swaby plaatn op as "Higgi Higgi", "East of the River Nile", "Song of the East" en "The Red Sea" vuur Chin-Loy's Aquarius Records. Chin Loy gebreuk vuur zin opnames woerin n örgelspöller zat n naam Augustus Pablo, en Swaby nöm den naam oawer.
Duur Augustus Pablo wör t gebroek van de melodika in reggae machtig populair. Dit instrumeant wör doarvuur feailik alleene gebroekt duur keenderskooln in Jamaika um de wichter muziek te learn. Rechtevoort is t n hoast onmisboar instrumeant in vuural dubreggae.
Hee richtn de plaatnmoatskoppiejn Hot Stuff, Message en Rockers op. Den lestn was inspireerd duur t Soundsystem Rockers van zin breur. Hee leawerdn völle bewoarkings van euldere, bestoande nummers.
In de joarn '80 gung t um wat meender, mear hee maakn wal n good oontvöngn live-album.
Op 18 mei 1999 störf Pablo Augustus an ne klaplonge. Hee wör 44 joar oold. He har al längerder las van de spierzeekte Myasthenia Gravis.
Hee hef nen dochter Isis en n zönne Addis.
Plaatnriege[bewark | bronkode bewarken]
- 1973 – This Is Augustus Pablo
- 1975 – Dubbing in a Africa
- 1975 – Thriller
- 1977 – East of the River Nile
- 1977 – King Tubby Meets Rockers Uptown
- 1978 – Africa Must Be Free By 1983 (Met Hugh Mundell)
- 1979 – Africa Must Be Free By 1983 Dub (Met Hugh Mundell)
- 1980 – Eastman Dub
- 1980 – Rockers Meets King Tubby in a Firehouse
- 1982 – Earth Rightful Ruler
- 1985 – Rising Sun
Oetgoande verbeending[bewark | bronkode bewarken]
|
Disse pagina is eskreewn in t Riesns |