Augustus Pablo
Oet Wikipedie, de vraaie enzyklopedie
Horace Swaby (21 juni 1954 - 18 mei 1999), bètter bekeand as Augustus Pablo, was n Jamaikaansen reggae-artiest en piano-spöller den begun in de joarn '70 van t 20ste joarhonderd. Hee was woarskeainlik n eersn den at ne melodika as n echt en belangriek instrumeant gebreuk in zin meziek. Hee wör ook bekeand duur zin anhangerskop van t rastafarianisme.
[bewark] Leawn en woark
Hee wör geboorn in St. Andrew, Jamaika in 1954 en leardn t örgel te bespöln in Kingston College School. Doarduur wör-e later vake vroagn um in de opnamestudioos de örgelpartiejn in te spöln. Op n gegeewn memeant leendn um n meakn ne melodika. Hee wör zo wies met t deenk dèt-e nooit wier zoonder op pad gung. Hee wör ook könnig met Herman Chin Loy, den at eers bie zin neawe Leslie Kong in den zin plaatnzaak beverly's woarken, mear later zin eegne zaak Aquarius begun in Half Way Tree. Tusken 1971 en 1973 nöm Swaby plaatn op as "Higgi Higgi", "East of the River Nile", "Song of the East" en "The Red Sea" vuur Chin-Loy's Aquarius Records. Chin Loy gebreuk vuur zin opnames woerin n örgelspöller zat n naamn Augustus Pablo, en Swaby nöm den naamn oawer.
Duur Augustus Pablo wör t gebroek van de melodika in reggae machtig populair. Dit instrumeant wör doarvuur feailik alleene gebroekt duur keenderskooln in Jamaika um de wichter meziek te learn.
Hee richn de plaatnmoatskappiejn Hot Stuff, Message en Rockers op. Den lestn was inspireerd duur t Soundsystem Rockers van zin breur. Hee leawerdn völle bewoarkings van euldere, bestoande nummers.
In de joarn '80 gung t um wat meender, mear hee maakn wal nen good oontvöngn live-album.
Op 18 mei 1999 störf Pablo Augustus an ne klaplonge. Hee wör 44 joar oold. He har al lengerder las van de spierzeekte Myasthenia Gravis. Hee hef nen dochter Isis en n zönne Addis.
[bewark] Plaatnriege
- 1973 – This Is Augustus Pablo
- 1975 – Dubbing in a Africa
- 1975 – Thriller
- 1977 – East of the River Nile
- 1977 – King Tubby Meets Rockers Uptown
- 1978 – Africa Must Be Free By 1983 (Met Hugh Mundell)
- 1979 – Africa Must Be Free By 1983 Dub (Met Hugh Mundell)
- 1980 – Eastman Dub
- 1980 – Rockers Meets King Tubby in a Firehouse
- 1982 – Earth Rightful Ruler
- 1985 – Rising Sun
[bewark] Oetgoande verbeending
 |
