Attinsioa

Oet Wikipedie, de vraaie enzyklopedie
Gao naor: navigasie, zeuk
Attinsioa

Attinsioa (Latain: Hydrangea) is n geslacht bluiende plaanten oet de attinsioafemilie (Hydrangeaceae). Der binnen sikkom 100 soorten verspraaid over de haile wereld, woarvan sommege in t wild veurkommen. Veural in China en Japan kommen attinsioa's veul veur.

Attinsioa is n varieerd geslacht plaanten: der binnen bladverliezende en gruinblievende soorten en zölfs soorten dij klimmen. De plaant het n vremde bluiwieze. Der binnen grote, pluumvormege trossen of schaarmen, bezet mit veule bloumen. De middelste doarvan binnen klain en vruchtboar. Dizze kin zoad leveren. De bloumen aan de boetenkaant binnen groter, môr steriel. De toak van de grote boetenbloumen is insekten dertou te verlaaiden n bezuik aan de plaant te brengen, om zo t stoefmeel op de binnenste bloumen ôf te geven.

De attinsioa is n bekinde toenplaant; veural de soort Hortensia macrophylla is n bekinde heester. Dit binnen opvalende struken mit rôze, witte, rooie of blaauwe bloumschaarmen.

Soorten[bewark | bronkode bewarken]

Hieronder n aantel soorten:

  • H. macrophylla (syn. H. hortensis): tot 2 meter hoog, bluit van juli tot septìmber, witte, rôze, rooie of blaauwe bloumen.
  • H. macrophylla 'Endless Summer': bluit elk joar opnij en is winterhard tot -34° C.
  • H. paniculata: tot 4 meter hoog, winterhard, witte bloumen dij verkleuren noar rôze.
  • H. serrata: tot 1,5 meter hoog, matgruine bloader, raandbloumen rôze kleurd, bluit van juli tot septìmber.
  • H. s. 'Acuminata': idem, môr n soort broen blad en blaauwe raandbloumen.
  • H. petiolaris: klimattinsioa

Nedersaksisch[bewark | bronkode bewarken]

Ôfbeeldens[bewark | bronkode bewarken]