Arie Ribbers
Arie Ribbers (geb. Reurle, 1945) is den streektaalkonsulent veur et Achterhooks en Liemers bi-j et Staring Instituut. Daornaost is e bekend vanweage zien jaorenlange wark as radiopresentator bi-j Omroep Gelderland (veurhen RONO, en Radio Oost), met ondermeer programma's as Um de meddagpot, waor-t-e as ene van de weinegen ruumte gaf an et Achterhooks dialekt. Wieters is e hoofredakteur van et blad Noaber.
Radiowark
[bewark | bronkode bewarken]In 1967 wodden Arie Ribbers evraogd deur Henk Krosenbrink um bi-j de Rono (Regionale Omroep Noord en Oost) te kommen warken, umdat e ne goeje radiostemme had, en good Nederlands èn Achterhooks kon. Hee hef ne kleine 20 jaor as freelancer ewarkt, en too nog zonne tied as vasten metwarker, bi-j wat later Umroop Gelderland is gaon heten. Op 60 jaorege leaftied is e met de VUT egaone, maor blef as free-lancer toch nog dinge veur de radio doon.
Bekende programma's oet ziene radiotied:
- Um de middagpot
- Gelderse Roos
- Rondum Reurle
- Achterhooks Accent
en nog verskeidene meer, woardeur hee ne bekende stemme is völle Gelderse hoeskamers.
Streektaalkonsulent
[bewark | bronkode bewarken]Sund 2007 is Arie Ribbers streektaalkonsulent bi-j et Staring Instituut in Deutekem. Hee is iedere wekke anweazeg bi-j de Streektaaltelefoon, woar-t leu um vraogen könt stellen ovver et Achterhooks of Liemers.
Hee presenteren verskeidene maolen et Streektaaldiktee. Hee sprök luusterbeuke in, Achterhookse stemmen veur een navigatiesysteem, en veur et umroopsysteem van de Syntustreinen.
Hee skrif veur Naober, et Landleaven en näölstukken in de Stentor, en is e samensteller van de Spreukenkalender veur Achterhoek en Liemers.