Ansluting Zwolle-Centrum
De ansluting Zwolle-Centrum is een ansluting in de A28. Het hef de vörm van een haorlemmermeeransluting en et nommer van de ansluting is 19.
Tussen Zwolle-Zuud en lig een parrallelstructuur. Disse parrallelstructuur hold op bi'j Zwolle-Centrum en wieder naor Zwolle-Noord he-j een plusstrook, twie normale riejstroken en een weafstrook per richting. Tussen Zwolle-Centrum en Zwolle-Zuud he-j een 1+3+3+1-parrallelstructuur waorbi'j ien van de drie riejstroken een plusstrook is. Daornaost he-j ok nog een weafstrook op de parrallelbaan, waordeur er feitelik 2+3+3+2 riejstroken bint.
In 2004 bint er plusstroken an elegd tussen Zwolle-Zuud en Ommen. Dit hef erveur ezörgd det de files die ontstunden bi'j de oprit van Zwolle-Centrum en op de Beatrixbrug richting noorden vot egaone bint. In 2010 en 2011 is de de A28 tussen Knooppunt Hattemerbroek en Zwolle-Zuud wieder emaakt nao 2x4 riejstroken. De plusstrook is hier deur etrökken töt de Iesselbrugge.
Verkeersintensiteiten
In 2019 reden er 118.700 voertugen tussen Zwolle-Zuud en Zwolle-Centrum en 119.800 tussen Zwolle-Centrum en Zwolle-Noord[1]. In 2006 waren dit er nog 99.000 en 91.000[2].
Verwiezings
|
Dit artikel is eskreaven in et sallandsk. |