Amesfoort

	Gemeente Amesfoort
(Vlagge van Amesfoort)	(Wapen van Amesfoort)
	; Lokasie van de gemeente Amesfoort
	Informasie
Provinsie	Utrech
Heufplaose	Amesfoort
	Geografie en bevolking
Oppervlak; - Laand; - Waoter	63,85 km²; 63,24 km²; 0,61 km²
Antal inwoeners; Inwoeners per km²	137.752 (1 april 2006); 2178 inw./km²
Koördinaoten	52° 9′ N, 5° 23′ OKoordinaoten: 52° 9′ N, 5° 23′ O }}
	Overig
Belangrieke verkeersaoders	A1, A28
Netnummer	033
Poskodes	3800 - 3830
	Offisiële webstee www.amersfoort.nl

Bedoel jie soms Amersfoort in Zuud-Afrika?

Kaort van de gemeente Amesfoort in 1865.

Amesfoort (Nederlans: Amersfoort) is een stad en gemeente in de Nederlanse previnsie Utrecht. De gemeente had op 1 juni 2007 oengeveer 139.914 inwoeners. 't Is in bevolkingsantal de tweede stad van de previnsie Utrecht en de zeuventiende van Nederland. In Amesfoort wort van oorsprong een Nedersaksisch dialect epraot, mar 't is vandaag de dag vriewel uut-estörven.

De bekendste Amesfoorter is oengetwiefeld Piet Mondriaan.

Geschiedenis[bewark]

De plek, ontsting bie een deurwaodbaore plek (voord) in de Eem (Amer) wier veur 't eerst enoemd in 1028. Vanwege zien ligging ging de bisschop van Utrecht in Amesfoort woenen, um een hof an te leggen, en daorvanuut Gelderse Vallei te ontginnen. In 1259 kreeg de plek stadsrechten. Laoter in de middeleeuwen kwam de plek deur een woender op as pelgrimsstad, waodeur de Onzelievevrouwekaark in 1444 ebouwd kon worren. De kaark ging laoter verleuren, de toren staot der nog de heeltied. Oek had de stad in de laote middeleeuwen een uutzoenderlijk grote beerindustrie.

Nao de Tachtigjaorige Oorlog kwam 't gebied in een isolement te liggen, daobie kwam ok nog dat de stad verpauperde, zeker in de 19e eeuw toe ok de tebaksteelt an de Veluwerand instortte. De komst van de spoorweg bracht daor verandering in: deur zien centraole ligging wier Amesfoort 't verkeerskundige haart van Nederlaand. Zo greuide 't in de 20e eeuw flink deur.