Alborosie

Oet Wikipedie, de vraaie enzyklopedie
Gao naor: navigasie, zeuk
Alborosie (Alberto D'Ascola)
Alborosie an t optreadn
Alborosie an t optreadn
Algemene informasie
Geboren 1977
Laand geboorn in Italië, wont in Jamaika
Spraoke Italjaans, Sisiliaans, Spaans, Jamaikaans Kreool
Genre Reggae, Dancehall
Offisiële webstee
http://www.alborosiemusic.com


Alborosie (geboorn in 1977 in Marsala, Sisilië, Italië as Alberto D'Ascola) is nen reggaeartiest. Hee wont rechtevoort in Kingston, Jamaika. He spölt verskeidene instrumeantn, zo as gitaar, bas, drums en piano. Alborosie begun in 1993 too't he 15 was met reggae maakn in n Italjaansen reggaeband Reggae National Tickets oet Bergamo. Hee har dootieds n bienaam Stena.

In 2001 gung Alborosie t op zikzelf probeern. Hee verhuusdn noar Jamaika um kort bie de wörtels van de muziek en de rastakultuur te wean.[1] Doar begun he te woarkn as geluudsman en muziekproduseant. Hee hef ewoarket met artieste zo as Gentleman en Ky-Mani Marley. Zin eerste album was Soul Pirate. In 2009 köm zin tweede album oet; Escape from Babylon[2] Augustus 2008 spöln Alborosie op t Uppsala Reggae Festival in Zweedn.

n Naam 'Alborosie' keump van nen bienaam den't he kreeg in zinne eerste joarn in Jamaika:

"Borosie neumn ze mie. Loa'w t zo steln. Mien eerste ervoaringn in Jamaika warn... nit zo mooi. Ze neumn mie Borosie, en det beteeknt wat negatiefs. Dus ik zea: "ik goa dissen naam gebroekn en dr fleenk met an de weg timmern, en wat negatiefs umzetn in wat positiefs!" Feaitelik is mien naam Albert, dus ik plakn dr "Al" bie vuur - Al-borosie. Mer ik zeg oe nit wat borosie beteeknt!"[3]

Eankele hits van Alborosie zeent "Rastafari Anthem", "Kingston Town" en "Call UP Jah". t Meest sproakmaaknde nommer van um is "Herbalist", wat zelfs verböadn wör op de Jamaikaanse radio. Hee hef optreadns edoan oawer de hele wearld, woeroonder t grötste deel van Europa en Jamaika.

Perseunlik[bewark | bronkode bewarken]

He wör geboorn in Marsala op Sisilië, in Italië op n 4den juli van 1977. Zin vader is nen pensioneerden plietsiekearl en zin moo was hoesvrouwe.[4]

Plaatnriege[bewark | bronkode bewarken]

Volledige Albums[bewark | bronkode bewarken]

  • Rough Tune (2007)
  • Soul Pirate (2008)
  • Soul Pirate: European Tour 2008 Limited Edition (2008)
  • Escape From Babylon (2009)
  • Escape From Babylon to the Kingdom of Zion (2010)
  • 2 Times Revolution (2011)
  • Sound the System (2013)

Verwiezings[bewark | bronkode bewarken]

  1. The Jamaica Observer - Alborosie marks journey from Sicily to Kinston Town. 10 juni 2007
  2. Daily Telegraph.co.uk - Sicilian Reggae Performer Wows Jamaica.
  3. UnitedReggae.com - Interview Alborosie. 28 februwoari 2008.
  4. Reggaenews.de - interview met Alborosie op YouTube. 22 juni 2009