Afon Llynfi

Oet Wikipedie, de vraaie enzyklopedie
Gao naor: navigasie, zeuk
Den Afon Llynfi vanof de brugge bie Pont Rhyd-y-cyff.

Den Afon Llynfi (Engels: River Llenfy) is een van de dree grötste ziedstreumen van den Afon Ogwr.

Den rivier is ongevear 16 km laank vanof zinne welle op et noorden van Maesteg en löp veur et grötste deel noar et zuden deur Dyffryn Llynfi op den samenloop met den Afon Ogwr en den Afon Garw bie Abercynffig op an. De belangriekste ziedstreumen van den Afon Llynfi bint den Nant Cwm-du en den Nant Cedfyw, dee an de leenkerwal ligt, en den Nant Crynwydd, den Nant Sychbant en den Nant y Gadlys an de rechterwalkaante.

Den Afon Llynfi hef slim te lieden had van de industrialisasie en veural van de kollenmienen bie Maesteg. Wiedters warren der iezer- en baksteenfebrieken bie Tondu. Hierdeur en deur slimmen rioolwateroawerstört is den rivier fleenk versmeard raakt. In de tweede helfte van et 20ste joarhoonderd raakten de kollenmienen in onbroek. Hierveur kömmen nieje fabrieken veur in de plaatse, zo as veur gezichtsverzörgingsprodukte en papier. Ok den riooloawerstört gung gewoon verdan. Hierduur wol der langen tied zowat niks leawen in den rivier. Natuurbesköarmingsgroepen bint der slim vuur op de achterste bene west. Rechtevoort is et water stukken better.