Aberogwr

Oet Wikipedie, de vraaie enzyklopedie
Gao naor: navigasie, zeuk
Aberogwr.

Aberogwr (Engels: Ogmore-by-Sea) (oawerzetting oet t Kumries: Oetleup van n Afon Ogwr) is n dörpsken an zee in t Vale of Glamorgan, Kumrië. t Lig an n meest westlike kaant van de kuste van t Vale of Glamorgan.

Skiednisse[bewark | bronkode bewarken]

Net zooas zinnen breur in Cornwall, Ierlaand en Bretanie was de westelike kuste berucht as n grafhof veur skeepn tiends straffe weendn laandinwearts (zooas zuudwestern vanof n Atlantiese Oseaan). Tusker Rock is woar de measte skeepn vergoan bint, n rif det volleadig onner water lig biej vlood. Biej Ogwr (en oawer t hele gebeed van t Vale of Glamorgan) leutn inwonners vake opzettelik skeepn vergoan, deur ze met nep-vuurteurns op de klipn te loatn voarn, woarnoa zee oawervaln en löagreuwd wördn.

Geogroafie[bewark | bronkode bewarken]

Aberogwr lig önnevear 5 km ten zuudn van Pen-y-Bont ar Ogwr en ongevear 32 km op t westn van Caerdydd. De straandn kiekt oet op Tusker Rock en heb zaand biej eb en skerpe rötsn biej vlood. t Afon Ogwr-streumgebeed geet laanks t Ogwr-straand an een kaant en laanks de duunn van Merthyr Mawr an de oandere kaant. Vanweage t streumgebeed is t neet veilig öm te baadn langs t grötste deel van t straand. De rötsige kuste steet bekant as ne goode plaatse öm rots te klimn. Geologies zeen is t ne interessaante ploatse ömdet völle fossieln duudlik zichboar bint. Völle menskn broekt de parkeerploatse biej t Afon Ogwr-estuoarium, det vlokbiej n ingang van t dorp leg, tarwiel oare deurgoat noar Southerndown.

Plekn dee't benöamn woard bint[bewark | bronkode bewarken]

Ogmore centre is in de joarn 1930 bouwd öm t better te maakn veur keender oawer t heale Zuud-Kumrië. t Is in t mirre van de joarn 1990 sleutn, moar gung wier lös in 1998 tötdet t in 2007 wier dicht gung. Southerndown Golf Club en Portobello House bint ok dichbiej.

In kultuur en kunste[bewark | bronkode bewarken]

"Ogmore-by-the-Sea" wör nöamd in t versken "Don't get along with me Babe" deur n meziekgroop Doofer.