's-Heerenbarg
's-Heerenbarg ([sherənbɛrəx],[1] Nederlands: 's-Heerenberg) is ne stad in de gemeente Montferland, in de previnsie Gelderland in Nederland. De stad hef um en naobi'j de 8000 inwonners (2003). 's-Heerenbarg steet bekand um t carnaval, baoven de grote rivieren is dit et Mekka van et carnaval. Den optocht (zundags met carnaval) is meer dan de meujte weerd um te bekieken. Met carnaval is 's-Heerenbarg bekand as: Waskupenstad.
Pim Pandoer en de Heks van 's-Heerenberg[bewark | bronkode bewarken]
Deur t book "Pim Pandoer en de Heks van 's-Heerenberg" kreg de stad in de 20de eeuwe n betjen bekendheid. t Verhaal geet aover ne olde weduwe met den name Mechteld ten Ham dee van verskeidene zaken deur de vroggere 's-Heerenbargse bevolking beschuldigd wodden. Dit vröwken wodden op 26 juli 1605 op den brandstapel ezat. Algemeen wödt an-enommen dat Mechteld ten Ham de leste veur hekseri-je vereurdeelde vrouwe van Nederland is. In 's-Heerenbarg wödt rundumme augustus elk jaor n feest evierd uut eer an de olde weduwe.
Raodhuus[bewark | bronkode bewarken]
t "Neije Raethuys" wödden in 1531 ebouwd as vervanging van t "Ailde Raethuys" an de Kellenstraote. Van oldsheer is t raodhuus t bestuurscentrum van de stad en van t land van den Barg. Vergaoderingen van de magistraot en van de gearfden van t graofschap Bargh bunt hier ewest. Daornaost wödden der recht esprokken. In den keller was ne gevängnis en vandage is veur t raodhuus nen schandpaol op-esteld. De raodhuusklokke uut 1526 wödden in vrogger tieden ebruukt um de burgerleu bi-j mekare te roopen veur vergaoderingen en bi-j nen uutbraok van een ramp, zoas nen braand. Et raodhuus wödden in de jaoren 1914-1918 restaureerd.
Muntrecht[bewark | bronkode bewarken]
Muntrecht: de heern en later graven van den Bargh ontvingen in et midden van de 14de eeuwe muntrechte veur de heerlekheid Dieren van den hartog van Gelre. Umdat zi-j daor gene andere bezittingen hadden, konden zi-j dit muntrechte nooit ter plaatse uutvoeren en bunt der in Dieren nooit warkelek munten eslagen. Rundumme 1577 wodden der in 's-Heerenbarg alderbastend völle zilveren en golden munten eslagen met daorop den tekst "in Dieren cusa" (eslagen in Dieren). Dizze munten voldeejen neet an de wetteleke eisen, maor deur de vermelding Dieren onttrokken de heern van Bargh zich an t toozicht (en straffen) van den Duutsen keizer.
Trivia[bewark | bronkode bewarken]
- Zowal Burgers' Zoo as t Afrika Museum (vandage in Barg en Dal) hebt eursprong in 's-Heerenbarg. Et Afrika Museum is an-evongen in et vroggere klooster 'Don Rua' waor tot an 1999 Golden Handen evestigd was. De toonmaolege paoters, dee naor Afrika trokken, beslotten n museum op te richten.
Zee ok[bewark | bronkode bewarken]
Uutgaonde verwiezing[bewark | bronkode bewarken]
Referensies[bewark | bronkode bewarken]
- ↑ Uutspraok in 's-Heerenbarg
| Plaatsen in de gemeente Montferland |  | ||||||||
|---|---|---|---|---|---|---|---|---|---|
|